Ser på firda.no 10. desember i artikkelen «Ser at rasismen aukar», at du på Fylkestinget tok eit kraftig oppgjer mot veksande rasisme.
Men det du og andre ser ut til å gløyme, er årsaka til denne utviklinga. Får ein ikkje fjerna årsakene, får ein aldri bukt med rasismen. Og der har Venstre eit tungt ansvar. Vi fekk i 2005 ei ny Diskrimineringslov i Norge. Meinar Dørum var Justisminister då. All norsk rettspraksis i moderne tid, har vore slik at ein sikta er uskuldig til det motsette er bevist. I Diskrimineringslova er det stikk motsett. Vert ein anmeldt for diskriminering/rasisme, kan ein dømast dersom ein ikkje kan bevise si uskuld. Vidare er det slik at diskriminering av nordmenn i høve minoritetar, kan vere positiv diskriminering! Eit håplaust forsøk frå naive politikarar på å legge tilhøva til rette for ein god integreringspolitikk. Ei slik lov er som skapt for å utvikle rasisme.
Vi opplever stadig at norske tradisjonar vert kutta ut, slik at særleg muslimar ikkje skal føle ubehag/bli støytte. No før jul har vi sett skular som nektar bruk av nisseutstyr, skulegudstenester og Lucia-feiring. Dei norske borna skal ikkje få oppleve fine tradisjonar som vi foreldre fekk nyte godt av, på grunn av dei nye som kjem. Såg nettopp at ein skule i Sverige ikkje lenger kan lage pepparkakemenn av same grunn!
I Oslo får ein somalisk moské som har 6000 medlemmer, dei fleste under 20 år, 2.1 millionar i årleg støtte frå Staten. Imamen har forkynt hat, vil innføre dødsstraff eller pisking for utruskap, og for dei vantru. Altså brot på norsk lov. Kva slags haldningar skapar dette blant dei som får si opplæring der? Vi har og sett at kvoteflyktningen Krekar forkynner frå ein moské i Oslo. Er det rart det veks fram «framandfrykt»?
Drapstala i Norge har auka kraftig i år. Dine nye landsmenn er tungt representerte der, Bjørlo. Venstre har vore, og er framleis i frontposisjon for å legge tilhøva til rette for dei som kjem, slik at norske tradisjonar må vike. Du nemner at folk på Eid som har stått opp mot rasisme, vert uthengde på internett. Då kan eg trøste deg med at det er dei ikkje åleine om å bli. Så fort nokon ytrar motstand mot innvandringspolitikken, så kjem rasismeropet. Ein av dei mest kjende motstandsmennene frå kampen mot tyskarane, Jan Høeg, no 90 år, vart nyleg drapstrua for sine meiningar. Dei vert og i mange tilfelle nekta spalteplass i aviser. Eg «kom i skade» for å nemne knivstikking og valdtekt i eit lesarinnlegg. Og rasismeskuldingar kom fort. Mellom anna frå det eg trudde var ein seriøs organisasjon, Norsk Folkehjelp. Sanninga kan som kjent vere tung å fordøye.
Du reagerer på FMI-utdeling av faldarar med grove påstandar om at samfunnet held på å bli ødelagt. Det har FMI heilt rett i. Det norske kjernesamfunnet slik du og eg har fått gleda av å oppleve det, vil forsvinne for våre etterkomarar, dersom dagens utvikling held fram.
Når menneske finn Norge så attraktivt at dei vil starte «eit nytt liv» her, så vert det heilt feil å legge om samfunnet, slik at det skal bli mest muleg likt det dei flykta i frå. Og når over 90 % av dei som kjem er ID-lause, og vi har kunne lese at det i toalettankane på fly frå utlandet vert funne sundrivne id-papir, og at politiet på Gardermoen finn sundrivne pass i søppeldunkane, så veks skepsisen. Men eg vil understreke at ærlege arbeidsinnvandrarar er noko heilt anna.
Bjørlo 110114
Sendt til lokalavisa Fjordabladet 5.01.14. På trykk 7.1.14.
